خۆکوژیی بەندکراوێکی ڕاپەڕینی ژینا

پێش 1 هەفتە

خۆکوژیی بەندکراوێکی ڕاپەڕینی ژینا

رۆژی پێنجشەممە ٣٠ی خاکەلێوەی ٢٧٢٤ ک، ئاریان یاوەری، تەمەن ١٩ ساڵان، خەڵکی بۆکان، یەکێ لە بەشداربووانی راپەڕینی ژینا؛ کۆتایی بە ژیانی خۆی هێنا.
ئاریان یاوەری لە گەڕیانی راپەڕینی ژینادا، بەتۆمەتی ئاگرتێبەردانی ماڵی جاشێک بە نێوی "ئەحمەد عەلیپوور" دەسبەسەر کرا و دوای ٧٠ رۆژ بە دانانی بارمتە ئازاد کرا.
ئاریانی جوانەمەرگ بێجگە لەو ئازار و ئەشکەنجە دەروونی و جەستەییانەی لە ماوەی بەند کرانیدا لە لایان داگیرکەرە فاشیستەکانەوە تووشی ھاتبوو؛ لە ماوەی رابردووشدا کەوتبووە بەر ھەڕەشە و گوشار.
ھەتا سەروەری و دەسەڵاتی ئیستیعماری فارس بەسەر کوردستانەوە بمێنێ کارەساتەکان دواییان نایە و بەردەوام دەبن.
ئازادی، شکۆ، کەرامەت و بەختەوەریی تاک و کۆی کورد لە گرەویی رزگاریی یەکجاریی کوردستان و وەدەرنانی سەرلەبەری داگیرکەرانە لە نیشتمانمان.