دەسبەسەرکرانی باوکی کەژاڵ ساڵحی لە بجنورد.

11 کاتژمێر پێش ئێستا

دەسبەسەرکرانی باوکی کەژاڵ ساڵحی لە بجنورد.

ئەمڕۆ سێشەممە ٢٤ی پووشپەڕی ٢٧٢٥ ی کوردی، هێزەکانی ئێرانی داگیرکەر لە بجنورد، بە مەبەستی دەسبەسەرکردنی کەژاڵ ساڵحی هەڵیانکوتایە سەر ماڵی ناوبراو؛ بەڵام نەیانتوانی کەژاڵ دەسبەسەر بکەن و لەبری ئەو، ئاراز ساڵحی باوکی کەژاڵیان قۆڵبەست کرد.
کەژاڵ ساڵحی، ١٤ ساڵان، خەڵکی گوندی ناوەی بجنوردی خوراسانە و لە چەند رێوڕەسمێکی کەلتووریی‌دا لە وەسف و خۆشەویستیی کوردستاندا چەند دیکلەمەیێکی خوێندەوە و خێرا بە سۆشیالمیدیا دا بڵاوبووەوە، کە بووە هۆی نیگەرانی و دڵەڕاوکێی سەرانی تاران.
دەوڵەتی هەمیشە دۆڕاو و ترسەنۆک، لەگەڵ ئەوەی هەڵیانکوتاوەتەسەر ماڵی ئەم کچە لاوە ١٤ ساڵانە و باوکیان دەسبەسەر کردووە، هەموو ئامرازەکانی پێوەندیی ئەو ماڵەیان لەگەڵ خۆیان بردووە و پێیانیان راگەیاندووە کە سبەی بۆ لێکۆڵینەوەی زیاتر، لە ئیدارەی ئیتلاعاتی ئەو شارە ئامادەبن.
ئەو دەوڵەتە بناغە لەرزۆک و داماوەی سەت ساڵە بەفیڕۆچوونی خەرج و خوێنی خۆی دەبینێ و نەیتوانیوە لە تواندنەوەی نەتەوەی کورد و کپ کردنی دەنگی ئازادییخوازیی سەرکەوتووبێ؛ ئەوڕۆکە بە خوێندنەوەی پارچە شیعرێ لەلایان کیژۆڵەیەکی لاو، ترس و بیم دایدەگرێ و تێدەگا کۆتایی داگیرکارییەکەی نزیکە و بناغەکانی لێک هەڵدەوەشێتەوە.