هونەرمەند حەسەن کاکایی بەهۆی خوێندنی سروودی نەتەوەیی، لەلایان هێزەکانی بەرفەرمانی تارانەوە دەسبەسەرکرا

پێش 4 هەفتە

هونەرمەند حەسەن کاکایی بەهۆی خوێندنی سروودی نەتەوەیی، لەلایان هێزەکانی بەرفەرمانی تارانەوە دەسبەسەرکرا

بەگوێرەی راپۆرتی هەنگاو، دوێنێ ئێوارە ٤ی خاکەلێوەی ٢٧٢٤ک، هونەرمەندی بەناوبانگ و خۆشەویستی کوردستان، حەسەن کاکایی لەلایان هێزەکانی دەوڵەتی داگیرکەری ئێرانەوە دەسبەسەرکرا.
حەسەن کاکایی، تەمەن ٦٤ ساڵان، یەکێ لە هونەرمەندە ناودار و ناسراوەکانی بۆکانە و خەڵکی لەرێگەی دەنگە خۆش و سروودە نەتەوەییەکانیەوە دەیناسن.
جێگای ئاماژەیە، دوای ئەوەی لە رۆژانی رابردوودا،هونەرمەند حەسەن کاکایی لە رێوڕەسمەکانی نەوڕۆژی کوردستان بەشداردەبێت و  سروودی نەتەوەیی دەخوێنێ، دوێنێ ئێوارە هێزەکانی دەوڵەتی داگیرکەر هەڵدەکوتنەسەر ماڵەکەی و بەشێوەیەکی دڕندانە دەسبەسەری دەکەن و تا بەرەبەیانی ئەمڕۆ لەژێر ئازار و ئەشکەنجەی هێزەکانی بەرفەرمانی تاران لێپرسینەوەی لێ کراوە و دواتر ئازاد کراوە.