سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا

پێش 1 هەفتە

سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا

سۆما پوورمحەممەدی، تەمەن ٣٥ ساڵان، مامۆستای زمانی کوردی و ئەندامی ئەنجومەنی فەرهەنگی- کۆمەڵایەتیی نۆژین بە دوو تۆمەتی جیا بە ١١ ساڵ بەندکردن حوکم درا.

سۆما پوور محەممەدی کە لە رێکەوتی ٢٨ ی بەفرانباری ٢٧٢١ ک، لەکاتێکدا بۆسەردانی هاوسەرەکەی "ئیدریس مینبەری" سەردانی دادگای کردبوو و لەوێ دەسبەسەرکرابوو و پاشتر بە دانانی بارمتەی یەک ملیارد تمەنی بەشێوەی کاتیی ئازاد کرابوو، دوێنێ ئەو حوکمەی کە بەسەریدا سەپاوە پێی راگەیێندرا.

سۆما، لەلایان لقی یەکی دادگای شۆڕشی سنە بە تۆمەتی " دروست کردنی رێکخراو و گروپ بۆ تێکدانی ئاسایشی وڵات" بە ١٠ ساڵ بەندکردن و دوورخستنەوەی بۆ بەندیخانەی ناوەندیی کرماشان حوکم درا.
هەروەها لەلایان لقی ١٠٦ ی دادگای تاوانەکانی شاری سنە بە تۆمەتی "تێکدانی ئاسایشیی گشتیی" بە ساڵێک بەندکران حوکم درا.

دەوڵەتی داگیرکەری ئێران لەپاڵ هەموو تاوان و جینایەتە فاشیستییەکانی دژی رۆڵەکانی نەتەوەکەمان؛ لە دژایەتی زمانی کوردیی و ئەوانەی خەمخۆر و تێکۆشەری پارێزگاریی لە زمانی کوردیین، خافڵ نەبووە.
پارتی ئازادیی کوردستان وێڕای مەحکوومکردنی ئەو حوکمە سەرشۆڕانە و سیاسەتە دوژمنکارانەیەی دەوڵەتی داگیرکەر؛ لەسەر ئەوە سوور و پێداگرە تا سێبەری دەسەڵات و سەروەریی ئەو دەوڵەتە داگیرکەرە بەهەر فۆرمێکی سیاسییەوە بەسەر کوردستانەوە بێ، بەشی کورد تەنها گرتن، لێدان و کوشتنی رۆڵەکانی و سڕینەوەی ناسنامە و زمانەکەیەتی.

https://t.me/pazadik_pak