سنە و سەقز فیداکاریی ژینگەپارێزانیان، بەرز ڕاگرت

3 رۆژ پێش ئێستا

سنە و سەقز فیداکاریی ژینگەپارێزانیان، بەرز ڕاگرت

پاش ئەوەی دانیشتوانی سنەی قارەمان، بە دەم دروشمە پێکھاتەشکێنەکانی «داگیرکەری ئێرانی قاتڵی ڕۆڵەمانی» و «ژین و ژینگەی کوردستان سووتاوی دەستی ئێران»، شەھیدانی پاراستنی ژینگەیان بەخاکی پیرۆزی نیشتمان سپارد؛ دوێنێ بۆ پێشاندانەوەی یەکڕیزیی نەتەوەیی بە ڕێژەیەکی بەرچاو مانگرتنیان بەڕێوە برد. ھاوکات دانیشتوانی سەقز، دەروازەی ڕاپەڕینی ژینا، لە گردبوونەوەیەک دا لە گۆڕەپانی مەولەویی پارکی گشتیی، خاوەندارییان لە شەھیدانی ژینگە کرد و بە خوێندنی سروودی«خوایە وەتەن ئاواکەی»و دروشمی «شەهید نامرێ»، ئەو پەیامەیان گەیاند کە ژینگە و ژینگەپارێزیی لە کوردستان لە کۆی پرسی کوردستان و بزاڤە ڕزگارییخوازییەکەی جیا نییە و تێکۆشانی ژینگەپارێزیی بەستێن و پانتاییەکی بزاڤی رزگارییخوازیی و دژی داگیرکەرییە لە کوردستان.
پارتی ئازادیی کوردستان یادی شەھیدانی ژینگە بەخێر دێنێ و سڵاوی خۆڕاگریی و کۆڵنەدان پێشکەشی خەڵکی سنە و سەقز دەکات.

داگیرکەری ئێرانی، قاتڵی رۆڵەمانی
ژین و ژینگەی کوردستان، سووتاوی دەستی ئێران.

پارتی ئازادیی کوردستانPAK
٨ی گەلاوێژی ٢٧٢٥ ک
٣٠ ژوولای ٢٠٢٥ ز